خنت كام مرة

مين قالك ان الخيانة هى انك تعرف بنات على زوجتك او صاحبتك او خطيبتك (او العكس)؟؟ الخيانة ممكن تكون بنظرة، بتصرف او حتى بفكرة. الخيانة إنك تكون انانى وتفضّل نفسك على اللى بتحبه. 
الخيانة ممكن تكون كلمة حلوة او ابتسامة مزيفة لحبيبك او صاحبك او حتى حد من عيلتك وانت مش حاسسها، لمجرد انك ترضى بيها الطرف الآخر. 
عمرك بقى فكرت خنت كام مرة؟؟!!!

ابطال منعرفش عنهم حاجة

بطلة الغطس المصرية ‫#‏مها_جودة‬ العربية الوحيدة اللى بتمثل مصر و الوطن العربى فى اولومبياد نانجينج 2014 للشباب و حتى الان تحتل المركز السادس بمجموع نقاط 386.35 فى بطولة الغطس 10امتار.. حد سمع عنها ولا يعرف عنها حاجة؟؟ طبعا لا.. زيها زى الاف الابطال اللى منعرفش عنهم حاجة

يا واطى ازاى تفرح و متقوليش!!!

هى ليه الناس بتسكتر على الواحد الفرحة؟؟!! 

يعنى ليه مثلا لما تتجوز او تعمل خطوبتك أو حتى عيد ميلاد ابنك و متعزمش بعض الناس- بسبب ظروف خارجة عن ارادتك كانك محدود بعدد معين أو انك نسيت بسبب ضغط الفترة دى او اى سبب تانى- محدش يسيبك فى حالك.. ولا حتى الناس تحاول تقولك   مبروك وانا فرحتلك.. لا! تبتدى تدخل فى دائرة مفرغة من الملامة وتأنيب الضمير انك ازاى معزمتنيش دانا عزمتك فى فرحى و مانستكش وكلام كدة من يتاع (يا واطى ازاى تفرح و متقوليش- او ماهو أنا فى الفرح مانسية!) 

بلاش.. ليه لما مثلا تطلعلك يومين weekend مع اهلك ولا اصحابك او حتى تسافر اجازة و تغلط غلطة حياتك انك تــpost الصور على الفيس بوك الناس كلها بتسيب اللى فى ايدها و ينسوا مشاكلهم و حياتهم و يبتدوا يركزوا انك سافرت! و كأن مثلا سفرك ده اخد من سعادتهم جزء.. فاتبتدى يتبصلك بصة (يا واطى ازاى تفرح و انا لا!) 

السؤال هنا بقى!! هو احنا ليه مش بنسيب بعض فى حالنا.. ليه بنتدخل فى حياة بعض اكثر من اللازم.. طيب ليه لما بيحصلنا حاجة وحشة مش بتلاقى الناس اللى بصالك فى فرحتك بتقف جنبك بنفس القدر؟ 

السؤال الثانى.. هو مش معنى ان شخص بـــيــpost صورعلى الــFaceBook انها دعوة للاخرين لـــ "اتفضلوا بصوًلى فى الحدث اللى بيحصل فى حياتى".. Posting pictures بيكون documentation لاحداث وذكريات فى حياة الانسان مش بيتطلب ابدا انك تتدخل فى حياتهم. 

يا ريت نتعلم اننا نبطل نتدخل فى حياة بعض. دعوا الخلق للخالق.. انت ماتعرفش دواخل حياة البنى آدمين... افترض الاعذار للناس حتى يتقبل الناس اعذارك حين تحتاج اليها!!!  

A coming series of quotes and talks about the relationships between men and women will be posted here.. stay tuned.#women #men #life #ranatalks #marriage_life #relationships

Your opinions and comments are appreciated

سيتم كتابة سلسلة من المواقف عن العلاقات بين الرجل والمرأة.. مواقف يومية حياتية تسجل جانب من الواقع الذى نعيشه يوميا

فى انتظار تعليقاتكم وارائكم 

اخذنى التيار الى ما لم اريد

وجوه ليست بمستريحة...عيون تائهة تبحث فى كل مكان عن شىء يستحق النظر اليه.

اطفال ضائعة تبحث عن مستقبل لها ليس له وجود.. شباب يحلم بصياغة تاريخ جديد فى ظل وجود اطلال دامت لعقود تعيق بناء هذا التاريخ.

الحياة كما هى.. ايام تمر، اشخاص تذهب و يأتى غيرهم او لا يأتى؛ ليس بمهم...سنون من العمر تذهب و لا تأتى بجديد...اناس ينتظرون..البعض ينتظر النهاية و الآخر البداية...

 طريق مظلم نسير فيه جميعا..بعضنا من يرى ضوء خافت فى نهايته  و آخرين يسيرون فقط لإنهم مجبرين.

 الكل يمشى و يسير و يمشى و يسير، مجموعات و فرادى.. الكل يأخذه التيار لمستقبل مجهول..كلُ يسير لهدف معين فى نفسه و لكن الجميع متفقون على السير فى هذا الاتجاه"نحو المجهول".

 ترى هل هذا هو الطريق الصحيح...و من قرر من الاساس السير فى هذا الطريق؟!

 ترى هل هذا هو الطريق الصحيح؟! من اقنعهم ان هذا هو الطريق الى الجنة..الا يمكن ان يكون هذا هو طريق النار؟!

ظللت انادى و اتسائل.. من قادنى معكم لهذا الطريق....من دلنى على هذا الاتجاه..ظللت اصرخ و اصرخ و انادى لكى يسمعنى احد...لكى يجيبنى احد.. و لكن لم اجد مستجيب. 

ترى فعلا لم يسمعنى احد، ام ليس منهم من يستطع اجابة اسئلتى؟ هل انتظر من يأت لى بإجابة ترضينى، ام اتركهم و امشى فى  عكس السير لعل هذا هو بغيتى و طريقى. حاولت مرارا مقاومتهم و لكنى لم استطع..اخذنى التيار الى ما لم اريد... اخذنى معهم الى حيث ما اخذوا جميعا... الى طريق مظلم و مستقبل مجهول

back to writing

will write a thought once i get it :)